Урматтуу айымдар! Бүгүнкү майрамыңыздар менен Сиздерди чын жүрөктөн куттуктайбыз! Сиздер – бул үй-бүлөнүн, коомдун жана өлкөнүн келечегисиздер! Аялдар – бул жашообуздун гүлү, сулуулугу жана мааниси! Сиздерге чексиз сүйүү жана урмат көрсөтөбүз!
Араван районунун мамлекеттик администрациясынын башчысы-аким Д.Ж. Эркимбаевдин тапшырмасына ылайык, 2026-жылдын 28-февраль күнү райондун санитардык абалын жакшыртуу, жашылдандыруу иштерин жүргүзүү, калктын экологиялык маданиятын жогорулатуу жана аймактарды иретке келтирүү максатында Чек-Абад айылдык аймагында ишембилик өткөрүлдү. Ишембиликтин жүрүшүндө айыл аймактагы мектептердин, бала бакчалардын, ооруканалардын жана башка социалдык имараттын айланасы тазаланып, бак-дарактардын иретке келтирилишип, актоо иштери жүргүзүлдү.
Жазгы талаа жумуштарынын башталышына байланыштуу алдын ала түзүлгөн графикке ылайык Чек-Абад айылдык аймагынын дыйкан-фермерлери менен кеңири форматтагы жыйын өткөрүлдү. Жыйындын жүрүшүндө дыйкандарга күйүүчү майды жеңилдетилген баада алуу, арзан үрөөндөр, минералдык жер семирткичтер боюнча түшүндүрүү иши жүргүзүлүп, 2026-жылга карата сугат суунун тарифтери жана суу алуу тартиби боюнча маалымат берилди.
Араван райондук электр тармактар ишканасы тарабынан Чек-Абад айылдык аймагынын Кочубаев айылындагы борбордук көчөлөрүнүн электр мамычаларын алмаштыруу иштери жүрүп жатат. Андан сырткары, жакынкы күндөрү жергиликтүү бюджеттин эсебинен дагы эскилиги жеткен электр мамычаларын жаңылоо иштери жүргүзүлөт.
Бүгүн Араван районунда Ооган согушунан советтик аскерлердин чыгарылгандыгынын 37 жылдыгына арналган эскерүү иш-чарасы болуп өттү. Иш-чаранын жүрүшүндө согушта курман болгон жоокерлердин жаркын элесине таазим кылынып, өчпөс отко гүл чамбарлар коюлду. Баатырлардын урматына куран окутулуп, алардын каармандыгы эскерилди. Андан сырткары, Чек-Абад айыл аймагынан барган Ооган согушунун катышуучуларына айыл өкмөтү тарабынан акчалай жардам көрсөтүлдү.
Өкмөт башчы Т.Ш. Абдибалиев Чек-Абад айылдык аймагындагы бардык билим берүү жана мектепке чейинки билим берүү мекемелерине барып, алардын учурдагы абалы менен таанышып келди. Иш сапардын жүрүшүндө билим берүү мекемелеринин материалдык-техникалык базасы, жылуулук системасы, санитардык абалы жана окуу-тарбия процесси каралды. Ошондой эле мугалимдер жана тарбиячылар менен жолугушуп, алардын сунуш-пикирлерин угуп, көйгөйлүү маселелер боюнча талкуу жүргүзүлдү. Айыл
Чек-Абад айыл өкмөтүнүн башчысы Т.Ш. Абдибалиев айыл аймактагы бардык айылдардын тургундары менен элдик жыйындарды өткөрдү. Жыйындардын жүрүшүндө айыл тургундары тарабынан айылдардагы көйгөйлүү маселелер, социалдык-экономикалык жактан өнүгүү багыттары жана алдыдагы иш-пландар талкууланды. Андан сырткары, тургундар тарабынан айтылган сунуш-пикирлерин угуп, көтөрүлгөн суроолор боюнча тиешелүү иш-чаралар планы түзүлдү. Элдик жыйындардын негизги максаты-калк менен түз байланыш түзүү, жергиликтүү маанидеги
